Tazlva n imaratn s tmazivt –Tirra-
Tsnmala asurs amzwaru f
“Tirra s tmazivt: Man tayafut ?”
G tdååat n wass n 31-10-09 g usalay n taysi n tmazivt lli iäfarn taviwant n Ugadir, tssnta tzlva n tirra lli ismunn kra g udmawn lli yusin anzgum n tskla tamazivt, tiwuriwin ns s yan igiwr n tussna iga awttas gis ad yli umsawal xf tyafut n aylli ittyaran s tmazivt g kkuçt tusutin ad iååran g tmurt nv ; Amurwakc.
Isnmalla igiwr amara obdllah Sabri, amçn ilmma isalmadn awal :
1.
Mupmmad Akunaä isawl xf umzruy n tirra dar imazivn :inmvurn n imaratn n imazivn g dat n Lislam, d imaratn n lislam, lli uranin s tutlayin n wiyaä. Mk lli isawl xf tirra s tmazivt, gr zik d wass ad.
2.
Mupmmad Usus isawl xf tirmit n tmdyazt ittyaran zg adlis n ‘amanar’lli yura pmad amçal g 1968, ar tirmitin n iorrimn n wass ad, ismmçli gr imdyazn lli ddanin tvarast taqqburt d willi skrnin yan uvaras yaän lli igan amaynu.
3.
Lpsn Zahur isawl xf wallas amaziv, ibdr is iga yan wanaw igan atrar g tskla tamazivt ittyaran, mqqar yadlli ssnn imazivn allas g tskla nsn taqqburt, isawl xf imaratn n ungal d tullist d umzgun, iml ivubla lli g d iswa ku yan g imaratn ad.
4.
obdlwahhab Bucïart, lli yadlli izwarn isawl xf tzlva n tirra d iwttasn lli d yiwin ad tlal, yurri d isawl xf usuvl, zg man akud issnta dar imazivn, inna: iv yadlli ssnn imazivn zg zik ad d asin dar wiyaä ur nufi ad nini is iga aya nn asuvl, isawl ilmma xf ibarazn n tussna lli g ittuwskar usuvl, issutg g tgira anaw ad n tskla.
G tgira illa yan umsgdal lli irnan i aylli izrin g tinnawin n isalmadn. Mk lli illa yan usfsr n udlis lli g llan tugtt n idlisn imaynutn.
Mupmmad Akunaä
